Baydemîr jî cemed şikand û beşdarî xebatan bû

AMED (Navenda Nûçeyan) - Piştî barîna berfê yê sê rojan pileyê germê li bajêr daket bin sifirê 10-15 pileyî û ev 5 roj in ekîbên şaredariyê bi kamyonan vê berfê vedihugêzin derveyî bajêr. Ekîb û makîneyên kar ên Karên Fenî yên Şaredariya Bajarê Mezin, Serokatiya Beşa Zabiteyan, Serokatiya Beşa Kontrol û Parastina Jîngehê û Midûrtiya Giştî ya DÎSKÎyê li herêma Yenîşehrê befr tê guhastin û cemed tê şikandin. Baydemîr çû sexbêriya xebatkarên şaredariyê û ji ber xebata wan a vê sermayê spasiya wan kir. Baydemîr demekê bi tevirî cemed şikand û derbarê xebatan de agahî ji Sekreterê Giştî yê Şaredariyê Fahrettin Çagdaş wergirtin. Çagdaş diyar kir ku heta niha 500 ton xwê bi kar aniye û pêdiviya hinek şaredariyên navçeyan jî bi cih aniye. Çagdaş da zanîn ku xebatên xwêkirinê saet ji 05:00a destê sibê dest pê kirine.   

Şaredar Osman Baydemîr jî ji dikanekê salep kirî û pêşkêşî xebatkaran kir.